სააგენტოს „აწარმოე საქართველოში“ დირექტორმა მიხეილ ხიდურელმა სომხეთის ექსპორტის განვითარებისა და ინვესტიციების მოზიდვის ეროვნული სააგენტო - Enterprise Armenia-ს დელეგაციას უმასპინძლა.
შეხვედრის ფარგლებში მხარეებს შორის ურთიერთგაგების მემორანდუმი გაფორმდა; განხილულ იქნა ორ სახელმწიფოს შორის არსებული სავაჭრო-ეკონომიკური ურთიერთობების გაღრმავების პერსპექტივები. ამასთანავე, მოხდა შეთანხმება საექსპორტო და საინვესტიციო პოტენციალის შესახებ არსებული გამოცდილების გაზიარებასა და ინფორმაციის გაცვლაზე.