კაპიტალის ბაზრის მხარდაჭერის პროგრამა

კაპიტალის ბაზრის მხარდაჭერის სახელმწიფო პროგრამის მიზანია საქართველოში მცირე და საშუალო ბიზნესის განვითარების ხელშეწყობა ფასიანი ქაღალდების განთავსების სტიმულირების გზით

 

 

პროგრამის მოკლე აღწერა:

კაპიტალის ბაზრის მხარდაჭერის სახელმწიფო პროგრამა მოიცავს თანადაფინანსების კომპონენტს, რომელიც ითვალისწინებს ბენეფიციარის მიერ ფასიანი ქაღალდების ემისიასთან დაკავშირებული შემდეგი ორი სახის ხარჯის თანადაფინანსებას:

1. ბენეფიციარის მიერ სარეიტინგო კომპანიისთვის გადახდილი/გადასახდელი საკრედიტო რეიტინგის მოპოვებასთან დაკავშირებული ხარჯი.

2. ბენეფიციარის მიერ საბროკერო კომპანიისთვის ასანაზღაურებელი მომსახურების საფასური (საკომისიო).

ვის შეუძლია პროგრამაში მონაწილეობა:

პროგრამის ფარგლებში მონაწილეობა შეუძლია ორი ტიპის ბენეფიციარს:

A კატეგორიის ბენეფიციარი - მეწარმე სუბიექტი, რომლის წინა სამეურნეო წლის აკუმულირებული ჯამური შემოსავალი არ აღემატება 60 მლნ ლარს;

დამატებითი კრიტერიუმების სანახავად იხილეთ სახელმწიფო პროგრამის დადგენილება მიმაგრებულ ფაილებში.

B კატეგორიის ბენეფიციარი - მეწარმე სუბიექტი, რომლის წინა სამეურნეო წლის აკუმულირებული ჯამური შემოსავალი აღემატება 60 მლნ ლარს ან/და საქმიანობს ფინანსურ სექტორში;

დამატებითი კრიტერიუმების სანახავად იხილეთ დირექტორის ბრძანება მიმაგრებულ ფაილებში.

პროგრამის ძირითადი პირობები:

• პროგრამის ფარგლებში განხორციელდება მხოლოდ საჯარო შეთავაზების გზით სასესხო ფასიანი ქაღალდების განთავსებასთან დაკავშირებული ხარჯების თანადაფინანსება
• ფასიანი ქაღალდების განთავსება შესაძლებელია, როგორც ეროვნულს (ლარი), ასევე უცხოურ (აშშ დოლარი/ევრო/ფუნტი სტერლინგი) ვალუტებში
• არ განხორციელდება ბენეფიციარის პროგრამაში ჩართვამდე საქართველოს ეროვნულ ბანკში წარდგენილი წინასწარი პროსპექტის ფარგლებში განთავსებასთან დაკავშირებული ხარჯების თანადაფინანსება;
• პროგრამაში ერთი დასკვნის ფარგლებში დაშვებულია მხოლოდ ერთი ემისიის პროსპექტის მომზადება;
• ბენეფიციარის პროგრამაში ჩართვიდან საბროკერო კომპანიამ 6 თვის ვადაში უნდა წარმოადგინოს საქართველოს ეროვნული ბანკის მიერ დამტკიცებული პროსპექტი.
• პროგრამით განსაზღვრული ხარჯები თანადაფინანსებისთვის, საბროკერო კომპანიამ ან/და ბენეფიციარმა, პროგრამაში ჩართვიდან 18 თვის ვადაში უნდა მიმართონ სააგენტოს, დადგენილი წესის შესაბამისად.

პროგრამის ფარგლებში აკრძალული საქმიანობა და ემისიის მიზნობრიობა:

გთხოვთ იხილეთ დანართი

პროგრამის ფარგლებში წარმოსადგენი დოკუმენტაცია:

პროგრამაში მონაწილეობის მისაღებად, დაინტერესებულმა კომპანიამ უნდა წარუდგინოს სააგენტოს „აწარმოე საქართველოში“ განაცხადის ფორმა შემდეგ  ელექტრონულ მისამართზე cms@enterprise.gov.ge

მიმაგრებული ფაილები:

კაპიტალის ბაზრის მხარდაჭერის სახელმწიფო პროგრამის დადგენილება

დირექტორის ბრძანება (არეგულირებს USAID-ის ფინანსური ინოვაციების პროგრამის ჩართულობას)

პროგრამაში მონაწილეობის განაცხადის ფორმა:

განაცხადის ფორმა

თანადაფინანსების კომპონენტი ითვალისწინებს:

1. სარეიტინგო კომპანიისთვის გადახდილი/გადასახდელი საკრედიტო რეინტინგის მოპოვებასთან დაკავშირებული ხარჯის თანადაფინანსება, რომლის მაქსიმალური მოცულობა შეადგენს 100 000 ლარს. თანადაფინანსების დაანგარიშებისას გაითვალისწინება ბენეფიციარის წინა სამეურნეო წლის განმავლობაში აკუმულირებული ჯამური შემოსავალი:

• 20 მლნ ლარამდე შემოსავლის შემთხვევაში ანაზღაურდება ხარჯის 80%;
• 20მლნ-დან 40მლნ ლარამდე შემოსავლის შემთვევაში ანაზღაურდება ხარჯის 70%;
• 40მლნ-დან 60 მლნ ლარის ჩათვლით შემოსავლის შემთხვევაში ანაზღაურდება ხარჯის 60%

2. საბროკერო კომპანიისათვის ასანაზღაურებელი მომსახურების საფასურის (საკომისიო) თანადაფინანსება, რომლის მაქსიმალური მოცულობა შეადგენს 200 000 ლარს. თანადაფინანსების დაანგარიშებისას გაითვალისწინება, როგორც გამოშვებული ფასიანი ქაღალდების (ემისიის) მოცულობა, ასევე ბენეფიციარის წინა სამეურნეო წლის განმავლობაში აკუმულირებული ჯამური შემოსავალი:

სააგენტოს მხრიდან ერთი ბენეფიციარისთვის, ერთზე მეტი დასკვნის შემთხვევაში, თანადაფინანსების კომპონენტის ორივე პუნქტით განსაზღვრული თანადაფინანსების მაქსიმალური მოცულობა ჯამურად შეადგენს არაუმეტეს 1 მლნ ლარს.

A კატეგორიის ბენეფიციარების თანადაფინანსებას განახორციელებს სააგენტო „აწარმოე საქართველოში“. პროგრამის თანადაფინანსების კომპონენტის ფარგლებში (წარმატებით განთავსების საკომისიო) სააგენტოს პარტნიორია USAID-ის ფინანსური ინოვაციების პროგრამა.

B კატეგორიის ბენეფიციარის მიერ სასესხო ფასიანი ქაღალდების განთავსებისთვის, საკომისიოს დაფინანსება განხორციელდება სააგენტოს კოორდინაციით, თუმცა USAID-ის ფინანსური ინოვაციების პროგრამის მიერ გამოყოფილი სახსრებით.

პალადიუმი (პროგრამის განმახორციელებელი) დააფინანსებს საკომისიოს, სასესხო ფასიანი ქაღალდების განთავსების 1%-ის ოდენობით, მაგრამ არაუმეტეს 150,000 ლარისა. იმ შემთხვევაში, თუ ობლიგაციების განთავსება მოითხოვს მეორე მხარის მოსაზრებას, პალადიუმი უზრუნველყოფს დამატებით დაფინანსებას 50,000 ლარის ოდენობით, რა დროსაც პალადიუმის მიერ გადასახდელი ჯამური თანხის ოდენობა არ  აღემატება 200,000 ლარს.

პროგრამის ფარგლებში  B კატეგორიის ობლიგაციების დაფინანსებისთვის გამოყოფილი ბიუჯეტი შეადგენს 1,000,000 ლარს. ბენეფიციარებისთვის განსაზღვრული ბიუჯეტის ათვისება ხდება პრინციპით „დროში პირველი, უფლებაში პირველი“ (first-come, first-served).

B კატეგორიის ბენეფიციარების შესახებ დეტალური ინფორმაციის სანახავად გთხოვ იხილეთ დირექტორის ბრძანება.