* პროგრამის ინდუსტრიები:
- ინდუსტრიული
- სასტუმრო ინდუსტრია/ბალნეოლოგიური კურორტები
- ტურისტული სერვისები
- აგრო ტურისტული ინდუსტრია
- ეკო ტურისტულლი ინდუსტრია
*კომერციული ბანკების/სალიზინგო კომპანიების შემთხვევაში
- სესხის ფარგლებში სააგენტო ახორციელებს სესხის პროცენტის სუბსიდირებას სესხის ვადით, სებ-ის რეფინანსირების განაკვეთს გამოკლებული 5% და ლიზინგის შემთხვევაში ლიზინგის ვადით, სებ-ის რეფინანსირების განაკვეთს გამოკლებული 3%;
- მხოლოდ „38 - ნარჩენების შეგროვების, დამუშავების და მოცილების საქმიანობები; ნარჩენების უტილიზაცია“ საქმიანობის შემთხვევაში სესხის ფარგლებში სააგენტო ახორციელებს სესხის პროცენტის სუბსიდირებას სესხის ვადით, სებ-ის რეფინანსირების განაკვეთის მოცულობით და ლიზინგის შემთხვევაში ლიზინგის ვადით, სებ-ის რეფინანსირების განაკვეთს დამატებული 2%.
- სესხის ფარგლებში სააგენტო ახორციელებს სესხის ძირის არაუმეტეს 80%-ის გარანტირებას, მაქსიმუმ 10 წლის ვადით;
- სესხის/ლიზინგის საგნის მინიმალური მოცულობა შეადგენს 50 000 ლარს, ხოლო მაქსიმალური 10 000 000 ლარს;
- მხოლოდ 49.39.0 სხვა სამგზავრო სახმელეთო ტრანსპორტი, სხვა დაჯგუფებებში ჩაურთველი საქმიანობის შემთხვევაში სესხის/ლიზინგის მაქსიმალური მოცულობა განისაზღვრება 50 000 000 ლარით.
- სესხის მინიმუმ 50% უნდა იყოს მიმართული კაპიტალური დანახარჯებისთვის, ხოლო არაუმეტეს 50%-ისა საბრუნავი საშუალებების შესაძენად.
- სესხის/ლიზინგის საგნის სრული ათვისება უნდა მოხდეს სესხის/ლიზინგის საგნის დადასტურებიდან არაუგვიანეს 2 წლის ვადაში
* პროგრამის პირობები
- საქმიანობა უნდა შედიოდეს საქართველოს მთავრობის მიერ მოცემული პროგრამის ფარგლებში დამტკიცებულ პრიორიტეტთა ნუსხაში;
- დეტალური ინფორმაცია ეკონომიკური საქმიანობების კლასიფიკატორთან დაკავშირებით, გთხოვთ იხილოთ - ეკონომიკური საქმიანობების კლასიფიკატორი
- პროგრამის ბენეფიციარი უნდა იყოს მეწარმე სუბიექტი, რომელიც აკმაყოფილებს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად მე-3 ან მე-4 კატეგორიის საწარმო, მხოლოდ მისი შემოსავლის კომპონენტში. რომლის შემოწმება შესაძლებელია www.reportal.ge -ის მეშვეობით;
- ყველა ბენეფიციარი ვალდებულია უზრუნველყოს სამეურნეო/ადმინისტრაციული შენობა-ნაგებობებში შშმ პირების შეუფერხებელი დაშვება პანდუსების ან/და მსგავსი საშუალებების გამოყენებით.
- ევროკავშირის საპილოტე რეგიონების პროგრამის ფარგლებში, სააგენტოს მხრიდან 2022 წელს დადასტურებული განაცხადებისთვის 50 000 ლარიდან 1 500 000 ლარამდე სესხის მოცულობის შემთხვევაში ბენეფიციარი 10%-დან 20%-მდე გრანტით ისარგებლებს (დეტალური ინფორმაცია იხილეთ გრანტის კატეგორიაში).
- სესხის/ლიზინგის პირველი ტრანშის/სრულად ათვისება უნდა მოხდეს სააგენტოს მიერ სესხის/ლიზინგის საგნის დადასტურებიდან არაუგვიანეს 6 თვის ვადაში.
- სესხის/ლიზინგის საგნის სრული ათვისება უნდა მოხდეს სესხის/ლიზინგის საგნის დადასტურებიდან არაუგვიანეს 2 წლის ვადაში
*გამონაკლისები
ეხება პროგრამის ყველა მიმართულებას.
- პროგრამის ფარგლებში დაუშვებელია სატრანსპორტო საშუალებების რემონტი და შეძენა.
გარდა:
ა) სპეციალური საშუალებების შეძენისა, რომლებიც უშუალოდ გამოიყენებიან საწარმოს ტერიტორიაზე პროდუქციის/მომსახურების წარმოების პროცესში;
ბ) ტურისტული სერვისების, აგრო და ეკო ტურისტული ინდუსტრიების შემთხვევაში, მხოლოდ იმ სატრანსპორტო საშუალებების შეძენა/რემონტი, რომელთა მართვა/რომლითაც გადაადგილებაც კი დამოუკიდებლად ატარებს ტურისტული ატრაქციის ხასიათს, მათ შორის, საჰაერო ან/და მცურავი საშუალება.
გ) 49.41.0 სატვირთო საგზაო ტრანსპორტი; 49.42.0 გადაზიდვის მომსახურება; 52.21.0 სახმელეთო ტრანსპორტთან დაკავშირებული მომსახურება; 52.22.0 წყლის ტრანსპორტთან დაკავშირებული მომსახურება; 52.23.0 საჰაერო ტრანსპორტთან დაკავშირებული მომსახურება; 52.24.0 ტვირთის დატვირთვა-განტვირთვა; 53.10.0 საფოსტო საქმიანობები საყოველთაო მომსახურების ვალდებულებით; 53.20.0 სხვა საფოსტო და საკურიერო მომსახურება - მოცემული ეკონომიკური საქმიანობების ფარგლებში, მხოლოდ იმ შემთხვევაში, თუ ამ სატრანსპორტო საშუალებების (გარდა „საგზაო მოძრაობის შესახებ“ საქართველოს კანონის შესაბამისად განსაზღვრული მსუბუქი ავტომობილისა) შეძენის/რემონტის ღირებულება შეადგენს პროგრამის ფარგლებში დამტკიცებული სესხის/სალიზინგო პროექტის მთლიანი ღირებულების არაუმეტეს 30%-ს
დ) 50.20.0 - „საზღვაო და საკაბოტაჟო სატვირთო ტრანსპორტის“ ეკონომიკური საქმიანობისა. ამასთან, დასახელებულ ეკონომიკურ საქმიანობაში დასაშვებია მხოლოდ „საქართველოს საზღვაო კოდექსით“ განსაზღვრული საქართველოს სახელმწოფოს დროშის ქვეშ მცურავი სატვირთო ან/და სატვირთო-სამგზავრო, დიდი გემის შეძენა/რემონტი.
ე) 49.39.0 (პროგრამის ფარგლებში აღნიშნული ეკონომიკური საქმიანობით დაშვებულია მხოლოდ საქართველოს ტერიტორიის ფარგლებში რეგულარული სამგზავრო გადაყვანა (გარდა მუნიციპალიტეტის ადმინისტრაციულ საზღვრებში რეგულარული სამგზავრო გადაყვანისა), რომელიც აკმაყოფილებს „საავტომობილო ტრანსპორტის შესახებ“ საქართველოს კანონითა და ამ საქმიანობასთან დაკავშირებულ სხვა სამართლებრივი აქტებით განსაზღვრულ მოთხოვნებს) – „სხვა სამგზავრო სახმელეთო ტრანსპორტი, სხვა დაჯგუფებებში ჩაურთველი“ ეკონომიკური საქმიანობისა, თუმცა არაუგვიანეს 2026 წლის 30 სექტემბრის ჩათვლით ან/და სანამ ამ საქმიანობის კოდის ფარგლებში ცვლილების შეტანის მომენტიდან დამტკიცებული სესხ(ებ)ის/სალიზინგო პროექტ(ებ)ის ჯამური მოცულობა არ გადააჭარბებს 50 მლნ ლარს. ამასთანავე, დასახელებული ეკონომიკური საქმიანობის ფარგლებში დასაშვებია მხოლოდ „ტექნიკური რეგლამენტის „სხვადასხვა კატეგორიის ავტოსატრანსპორტო საშუალებების ინსპექტირების პერიოდულობისა და საფასურების“ დამტკიცების თაობაზე“ საქართველოს მთავრობის 2014 წლის 3 იანვრის N37 დადგენილებით განსაზღვრული M3 კატეგორიის 2013 წელს ან მის შემდეგ გამოშვებული ავტოსატრანსპორტო საშუალების შეძენა/რემონტი.“
- დაუშვებელია გუდვილის შეძენა;
- დაუშვებულია მხოლოდ საოფისე ფართის (ადმინისტრაციული შენობის) მშენებლობა, რემონტი, აღჭურვა;
- სახელმწიფო ან/და კერძო საკუთრებაში არსებული უძრავი ქონების შეძენა ან/და საქართველოს სამოქალაქო კოდექსით გათვალისწინებული ფორმებით დროებით სარგებლობაში აღება;
- კერძო სამართლის იურიდიული პირის აქციების ან წილების შეძენა ან მართვაში აღება.
